MSANII BENPOL KUJA NA MOVIE YAKE MWEZI HUU.

Msanii BEN POL anatarajia kuachia movie yake ya kwanza mwezi huu, ni movie ambayo Ben Pol amemhirikisha mchekeshaji maarufu, Bi Kiroboto, movie hiyo iliyoandaliwa na kamupni ya Swahilihood itazinduliwa rasmi February 20 mwaka huu.

Mratibu wa Swahilihood, Hassani Mrope ameiambia tovuti ya Times fm kuwa filamu hiyo ya Sunshine itazinduliwa pamoja na filamu nyingine mbili ambazo ni ‘Mdundiko’ na ‘Network’. Filamu hizo zitazinduliwa kuanzia saa kumi na mbili jioni, Century Cinemax, Oysterbay jijini Dar es Salaam.

Huku Ben Pol akiongelea  filamu hiyo kwa kumsifia muigizaji huyo wa kike aliyecheza nae kama mama yake, Christina Mbunda maarufu kama Bi Kiroboto.

Mwimbaji huyo alieleza kuwa mbali na kuigiza vizuri kama mama mwenye moyo mzuri anayejali familia yake, hata katika uhalisia ni mama bora anayejali.

“Yaani mimi nimeienjoy sana, nilikuwa nafeel kama ni mama yangu mzazi”, alisema Ben Pol

“unajua bi Kiroboto, ukitoa upande wa kazi wa kuigiza, yaani ni mama mmoja very humble. Yaani ni mama…anareal feeling ya mama …unajua hata kama mko kwenye set kichwa kinauma au nini, yaani ana ile care ya mama. Yaani mpaka nammiss.” Aliongeza Ben Pol.

Kwa mujibu wa Ben Pol, filamu hiyo ilishutiwa kwa muda wa mwezi mmoja.