KANYE WEST AFUNGWA KIFUNGO CHA NJE.

Mwanamuziki wa muziki wa kufoka au Rap nchini Marekani Kanye West, hajakana wala kukubali mashitaka ya kumshambulia mpiga picha katika uwanja wa kimataifa wa ndege wa Los Angeles.

Adhabu yake ni kifungo cha nje kwa miaka miwili na pia KANYE,ameshurutishwa na mahakama kupata ushauri nasaha kuhusu anavyoweza kudhibiti hasira zake. Kutokana na hukumu hiyo KANYE ametakiwa kuhudumia jamii kwa masaa 250 hii ni kutokana na kosa hilo alilofanya Julai mwaka jana.
Mpiga picha {Paparazzi },Daniel Ramos, alimtuhumu muimbaji huyo kwa kumpiga makonde na kumpokonya kamera yake.
Muimbaji huyo mwenye umri wa miaka 36 anasisitiza kuwa hana hatia.

Daniel Ramos

 Mpiga picha huyo anadai kuwa bado anatumia dawa kwa ajili ya majeraha aliyoyapa kutokana na kushambuliwa na West.
 "nilikuwa nafanya kazi yangu wakati West aliponishambulia, '' alisema mpiga picha huyo, '' ikiwa ni mimi ningekuwa nimemfanyia kitendo hicho ningekuwa kizimbani.''
Ramos pia alidai kuwa alihofia kulipiza kisasi baada ya matamshi ya muimbaji huyo kupitia kwenye televisheini.
West alikamatwa mwaka 2008 kufuatia vurumai lengine na mpiga picha katika uwanja huohuo wa ndege.
Kesi hiyo, ilitupiliwa mbali na mahakama baada ya West kuwalipia vifaa vilivyoharibika na pia kupata ushauri nasaha kuhusu namna ya kudhibiti hasira zake.
SOURCE BBC-SWAHILI.