BIFU LA NAHREEL NA QUICK ROCKA LATIBUKA UPYAA.

Wote tunapenda headlines nzuri kwenye bongofleva ndio maana inapotokea kutokuelewana miongoni mwa watu wetu tunaowakubali zitafanywa jitihada tu ilimradi tuyamalize kwa amani.

Baada ya Leo Tena ya CloudsFM kuwakutanisha Matonya na Tunda Man na kuyamaliza, Amplifaya ya CloudsFM pia March 27 2015 ilifanikiwa kubeba pande zote mbili za Nahreel na Quick Rocka ambao hawapatani.

Nahreel alikubali kuendelea kuusambaza upendo ambapo alianza kwa kusema >>> ‘Kiukweli nilikua sielewani na Quick na hii ni baada ya yeye kusema niliondoka kwenye studio yake Kiswahili yani bila kumuaga, huenda ni kweli niliondoka hivyo lakini Quick hakuniajiri mimi, nilikwenda kumsaidia kama msela wangu na kazi tulikua tunafanya kishkaji’

NAHREEL

‘Nilikua na mipango yangu ya kufungua studio na nikafungua lakini pengine labda jamaa hakufurahia mimi kuondoka pale, natafuta jinsi ya kukaa nae na kuongea kama binadamu ili tuweke haya mambo sawa, nina mpango wa kwenda kuongea tuyamalize’ – Nahreel.

Baada ya maneno ya Nahreel Quick akazungumza yafuatayo >>> ‘Hatukua na mkataba wa maandishi bali wa maneno ndio maana nikatangaza kwamba Nahreel sasa hivi yuko Switch, na alivyoondoka bila taarifa kibiashara na mimi ilinikasirisha, kama yuko tayari kuyamaliza mimi niko poa… kama anajua kweli alikosea na sasa anataka amani mimi sina tatizo’

QUICK ROCKA

Kama ulikua hujui, wakati huuhuu wa kutoelewana kwao Quick na Nahreel waliwahi kukutana Club, unataka kujua ilikuaje? bonyeza play hapa chini kusikiliza.