Oscar Pistorius kutoka jela wiki ijayo.

Bingwa wa Olimpiki wa mbio za walemavu Oscar Pistorius, ataachiliwa huru kutoka gerezani Jumanne ya wiki ijayo na kutumikia kifungo chake  nyumbani baada ya bodi ya Msamaha nchini humo kutoa msamaha kwa wafungwa Afrika kusini.

Pistorius alifungwa jela miaka mitano mwaka 2014 baada ya kupatikana na kosa la kumuua mpenzi wake Reeva Steenkamp bila kukusudia.
Upande wa mashtaka umekata rufaa ukisema alifaa kuhukumiwa kwa mauaji, Rufaa hiyo itasikizwa Novemba 3 na iwapo atakutwa na hatia kifungo kinaweza ongezwa na kuwa miaka 15.

Pistorius amekaa jela miezi 12 na sasa atatumikia kipindi kilichosalia cha kifungo chake chini ya “uangalizi wa maafisa wa magereza,” bodi hiyo ya msamaha imesema.
Uamuzi wa awali wa kumwachilia huru Agosti ulisimamishwa na Waziri wa Haki wa Afrika Kusini Michael Masutha, aliyesema uamuzi huo ulikuwa umefanywa “mapema mno”.